ការវាស់វែងដីរបស់អភិបាលរងស្រុកស្អាងលោក ម៉ៅ តារា និងមន្ត្រីសូរិយោដីដើម្បីលក់ឲ្យឈ្មួញឈ្មោះ លី ហាក់ ត្រូវបានខកខានដោយសារផ្ទុះការតវ៉ាពីប្រជា ពលរដ្ឋ ខេត្តកណ្តាល : នៅព្រឹកថ្ងៃទី២៣ ខែកញ្ញា ឆ្នាំ២០២១ មានប្រជាជនប្រមាណ ៣០០ គ្រួសារ រស់នៅភូមិលេខ២ ឃុំប្រាសាទស្រុកស្អាង ខេត្តកណ្តាល បាននាំគ្នាជិះទូក តវ៉ា ជាមួយនិងមន្រ្តីសុរិយោដីស្រុកស្អាងនៅចំនុចបឹងត្នោតមួយដើម ក្នុងភូមិសាស្ត្រឃុំប្រាសាទ ស្រុកស្អាង ដោយពួកគាត់បានអះអាងថា មេឃុំប្រាសាទ ស្មៀនឃុំ អភិបាលរងស្រុកស្អាង លោក ម៉ៅ ដារ៉ា បានផ្សំគំនិតគ្នាជាប្រព័ន្ធយកដីរបស់ពួកគាត់លក់ឲ្យទៅឈ្មួញ ហើយបានរៀបចំផែនការ បាញ់ប្លង់ ដើម្បីចុះបញ្ជីធ្វើប័ណ្ណកម្មសិទ្ធិឲ្យទៅឈ្មួញ។ ប្រជាពលរដ្ឋឲបានអះអាងបន្ថែមទៀតថាមន្ត្រីពាក់ព័ន្ធ និងអាជ្ញាធរទាំងអស់ខាងលើតែងតែរៀបគម្រោងបែបនេះដើម្បយកដីប្រជាជនលក់ឲ្យឈ្មួញច្រើនលើក ច្រើនសារមកហើយកន្លងទៅ។ ដោយមានការតវ៉ាខ្លាំងពីសំណាក់ប្រជា ពលរដ្ឋទើបខាងមន្រ្តីដែលដឹកនាំដោយលោក ម៉ៅ ដារ៉ា អភិបាលរងស្រុកស្អាង ទទួលផែនវិវាទដីធ្លី និង មន្រ្តីសុរិយោដី បានវិលត្រលប់មកលើគោកវិញ ពោលគឺគម្រោងវាស់វែងត្រូវបានបរាជ័យ។ ពេលមកដល់លើគោកវិញ ក្រុមការងារអ្នកសារព័ត៌មានក៏បានព្យាយាមជួបអភិ បាលរងស្រុកលោក ម៉ៅ តារា ដើម្បីសុំព័ត៌មាន តែត្រូវលោកបដិសេធ […]
