Month: May 2025

ខ្ញុំបាទ យ៉ាន់ សារូ ចាងហ្វាងគេហទំព័រសារព័ត៌មាន ខ្មែរសេរីភាព KSRPNews សូមចូលរួមអបអរសារទរជាមួយបងប្អូនអ្នកសារព័ត៌មាននិងថ្លែងអំណរអរគុណយ៉ាងជ្រាវជ្រៅចំពោះកិច្ចខិតខំរបស់ឯកឧត្តម នេត ភក្រ្តារដ្ឋមន្ត្រីក្រសួងព័ត៌មានដែលបានស្នើសុំ ប្រមុខរាជរដ្ឋាភិបាលក្នុងការ លើកលែងការបង់កម្រៃសេវាសាធារណៈសម្រាប់ការប្រើប្រាស់ឈ្មោះដែនជាតិក្នុងប្រព័ន្ធអែនធឺណែតរបស់អង្គភាពសារព័ត៌មានអនឡាញចាប់ពីពេលបច្ចុប្បន្ននេះរហូតដល់ ត្រឹមដំណាច់ឆ្នាំ ២០២៧ អ្នកសារព័ត៌មានសូមគោរពជូនពរឯកឧត្តមរដ្ឋមន្ត្រីសូមមានសុខភាពល្អនិងទទួលជោគជ័យគ្រប់ភារកិច្ចដែលរាជរដ្ឋាភិបាលប្រគល់ជូន។👏👏

ទីតាំងល្បែងស៊ីសងជល់មាន់តាមប្រព័ន្ធអនឡាញ និងឆ្នោតឡូតូ មួយកន្លែងស្ថិតនៅ ភូមិគគីរធំ ឃុំគគីរធំ ស្រុកកៀនស្វាយ ខេត្តកណ្ដាល បើកលេងយ៉ាងគគ្លើនផ្គើននឹងបទបញ្ជារបស់ថ្នាក់ដឹកនាំ ខណៈដែលអាជ្ញាធរមូលដ្ឋានរក្សាភាពស្ងៀមស្ងាត់! ប្រជាពលរដ្ថសំណូមពរដល់អាជ្ញាធរ មូលដ្ឋានជាពិសេសលោក ព្រំ សំណាង អធិការស្រុកកៀនស្វាយ និងលោក ឡូវ សុខសាន្ត អភិបាលនៃគណៈអភិបាល ស្រុកកៀនស្វាយ ខេត្តកណ្ដាល មេត្តាចុះត្រួតពិនិត្យមើលទីតាំងខាងលើនេះផងដើម្បីរក្សាអោយបាននូវគោលនយោបាយភូមិ ឃុំ សង្កាត់ មានសុវត្ថិភាព របស់ប្រមុខរាជរដ្ឋាភិបាលដែលបានដាក់ចេញដោយក្រសួងមហាផ្ទៃ ឲ្យមន្ត្រីថ្នាក់ក្រោមអនុវត្តនាពេលកន្លងមកប្រកបដោយប្រសិទ្ធភាព៕ -150748110868968974

ក្រសួងព័ត៌មាន បើកកិច្ចប្រជុំដោះស្រាយករណីសមាគមប្តឹងស្ត្រីអ្នកលក់ទំនិញអនឡាញម្នាក់ ដែលបានប្រមាថ មើលងាយអ្នកសារព័ត៌មានថា ជាអ្នកបំពុលសង្គម ៨០ភាគរយ —- —- ភ្នំពេញ៖ លោក ទេស វិបុល ប្រធាន និង លោក ថាំង ប៊ុនសុង អគ្គលេខាធិការ សមាគមសេរីភាពអ្នកសារព័ត៌មានកម្ពុជា និង សមាជិក បានអញ្ជើញចូលរួមប្រជុំដោះស្រាយពាក្យបណ្តឹងរបស់សមាគម នៅ ក្រសួងព័ត៌មាន ក្រោមអធិបតីភាព ឯកឧត្តម ឈុំ សុជាតិ រដ្ឋលេខាធិការក្រសួងព័ត៌មាន ជាតំណាង ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងមន្ត្រីជំនាញពាក់ព័ន្ធជាច្រើនរូប នៅវេលាម៉ោង២រសៀល ថ្ងៃទី០៧ ខែឧសភា ឆ្នាំ២០២៥។ សូមបញ្ជាក់ថា  ស្ត្រីដែលប្រមាថមើលងាយអ្នកសារព័ត៌មាននោះ មិនបានចូលរួមកិច្ចប្រជុំ តាមលិខិតអញ្ជើញរបស់ក្រសួងព័ត៌មានទេ ទោះបីគាត់បានទទួលដំណឹងតាមទូរស័ព្ទ ហើយមន្ត្រីក្រសួងបានខិតខំស្វែងរកផ្ទះស្ត្រីនោះ តាម Location ក្នុងផេកលក់ទំនិញនោះ ដើម្បីប្រគល់លិខិតអញ្ជើញ ក៏មិនអាចរកទីតាំងផ្ទះស្ត្រីនោះឃើញឡើយ។ ជាលទ្ធផល អង្គប្រជុំបានឯកភាពគ្នា ថានឹងប្រជុំជាលើកទី២ និងជាលើកចុងក្រោយ ហើយក្រសួងព័ត៌មាននឹងអញ្ជើញស្ត្រីអនឡាញនោះម្តងទៀត […]