(ភ្នំពេញ)៖ ក្រសួងសុខាភិបាលបានប្រកាសថា កម្ពុជាបានរកឃើញមេរោគបំប្លែងថ្មី «ដែលតា» ឡើងដល់ ១,៣២៥នាក់ហើយ គិតពីថ្ងៃទី៣១ ខែមីនា ដល់ថ្ងៃទី២៤ ខែសីហា ឆ្នាំ២០២១។ ក្នុងសេចក្តីប្រកាសព័ត៌មាន ដែល Fresh News ទទួលបាន ក្រសួងសុខាភិបាល បានបញ្ជាក់ថា រាជធានីភ្នំពេញ បានរោគឃើញមេរោគបំប្លែងថ្មី «ដែលតា» ច្រើនជាងគេ គឺមានចំនួនរហូតដល់ទៅ ២៨នាក់។ សេចក្តីប្រកាសព័ត៌មាន បានបញ្ជាក់ថា មេរោគបំប្លែងថ្មី «ដែលតា» បានកើតមាននៅ២៣រាជធានី-ខេត្ត លើកលែងតែខេត្តកែប និងខេត្តក្រចេះប៉ុណ្ណោះ។ មេរោគនេះ បានរកឃើញលើអ្នកដំណើរមកពីបរទេសតាមជើងហោះហើរ ពលករខ្មែរត្រលប់ពីប្រទេសថៃ ពីប្រទេសវៀតណាម ប្រជាជនអ្នកភូមិនៅក្នុងសហគមន៍ ក្រុមហ៊ុនឯកជន បុគ្គលិកសុខាភិបាល អាជីវករ មន្ត្រីរាជការ យោធា ពិរុទ្ធជន អ្នកបកប្រែ ភាសា ជនជាតិបរទេស បុគ្គលិករោងចក្រកាត់ដេរ បុគ្គលិកធនាគារ ដូនជីនៅវត្ត និងសិស្ស។ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានបន្តក្រើនរំលឹក និងអំពាវនាវដោយទទូចដល់សាធារណជននៅទូទាំងប្រទេសកម្ពុជា បន្តប្រុងប្រយ័ត្នខ្ពស់ ការពារខ្លួន កុំភ្លេចខ្លួនឱ្យសោះ ដោយត្រូវចេះផ្លាស់ប្ដូរទម្លាប់រស់នៅរបស់ខ្លួនឱ្យស្របតាមពាក្យស្លោកដែលថា៖ «រៀនរស់នៅធម្មតាជាមួយវីរុសកូវីដ-១៩ តាមបែបគន្លងប្រក្រតីភាពថ្មី […]
