ភ្នំពេញៈ អាវុធហត្ថរាជធានីភ្នំពេញ ថ្លែងអំណរគុណចំពោះ លោក លី ហុង និង លោកស្រី សម្រាប់ការឧបត្ថមសម្ភារៈការិយាល័យ ដើម្បីឆ្លើយតបតាមតម្រូវការក្នុងការបំពេញការងារប្រចាំថ្ងៃរបស់អង្គភាពឱ្យកាន់តែមានប្រសិទ្ធភាព។លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ ក៏បានសម្តែងនូវអំណរគុណយ៉ាងជ្រាលជ្រៅចំពោះ លោក លី ហុង និង លោកស្រី ដែលមានចិត្តសប្បុរសឧបត្ថម្ភម៉ាស៊ីនថតចម្លង ជូនដល់អាវុធហត្ថរាជធានីភ្នំពេញ ។
លោកឧត្តមសេនីយ៍ឯក រ័ត្ន ស្រ៊ាង បន្ដថា ម៉ាស៊ីនថតចម្លងសរុបទាំងអស់ចំនួន ១៦គ្រឿង ដែលត្រូវបានក្រុមគ្រួសារ លោក លី ហុង និង លោកស្រី នាំយកមកប្រគល់ជូនដល់អង្គភាពកងរាជអាវុធហត្ថរាជធានីភ្នំពេញ ជាបន្តបន្ទាប់ សម្រាប់ប្រើប្រាស់ជាប្រយោជន៍ក្នុងការងាររដ្ឋបាលរបស់អង្គភាព ក៏ដូចជាតាមបណ្តាមូលដ្ឋានអាវុធហត្ថខណ្ឌទាំង១៤ ផងដែរ៕
