កណ្តាល៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃពុធទី២៧ ខែមេសា ឆ្នាំ២០២២នេះ បានអញ្ជើញជាអធិបតីក្នុងពិធីប្រកាសផ្ទេរភារកិច្ច និងតែងតាំងមុខតំណែងអធិការនគរបាលស្រុកល្វាឯម និងបំពាក់ឋានន្តរស័ក្ដិជូនមន្ត្រីនគរបាលនៃអធិការដ្ឋាននគរបាលស្រុកល្វាឯម។
ក្នុងពិធីនោះក៏មានការអញ្ជើញចូលរួមពី លោក កន សុខកាយ អភិបាលស្រុកល្វាឯម, ប្រធានក្រុមប្រឹក្សាស្រុកល្វាឯម លោក លោកស្រីស្នងការរង លោកអធិការនគរបាលគ្រប់ស្រុក-ក្រុង លោកមេបញ្ជាការមូលដ្ឋានកងរាជអាវុធហត្ថស្រុក លោកមេឃុំចំណុះរដ្ឋបាលស្រុកល្វាឯម និងកងកម្លាំងនគរបាលនៃអធិការដ្ឋាននគរបាលស្រុកល្វាឯម សរុបចំនួន១០៥នាក់។
គួរបញ្ជាក់ជូនថា លោកវរសេនីយ៍ទោ មួង រដ្ឋា អធិការរងនគរបាលស្រុកលើកដែក ត្រូវបានប្រកាសតែងតាំងជាអធិការនគរបាលស្រុកល្វាឯមថ្មី ជំនួសលោកវរសេនីយ៍ឯក ហេង សុផល ដែលត្រូវទៅកាន់តំណែងជាស្នងការរងនគរបាលខេត្តកណ្តាលវិញ។
គួរជម្រាបជូនផងដែរថា ក្នុងពិធីនោះ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានអញ្ជើញបំពាក់ឋានន្តរស័ក្ដិជូនមន្ត្រីនគរបាលនៃអធិការដ្ឋាននគរបាលស្រុកល្វាឯមផងដែរ៕
